Credit to the image: Ethiopiawinnet 
የፋሽስት ኢጣሊያ ወራሪ ጦር በእብሪት ተነሳስሰቶ ከመስከረም 22 ቀን 1928 ዓ.ም. ጀምሮ እሰከ ሚያዝያ 26 ቀን 1933 ዓ.ም ድረስ በኢትዮጵያ ላይ ለሁለተኛ ጊዜ የግፍ ወረራ በፈፀመበት ወቅት ለውድ ሀገራቸው ነፃነት ሲሉ የጀግንነት ተጋድሎ በማድረግ ከተዋደቁት ውድ የኢትዮጵያ ጀግኖች አርበኞች መካከል የጥቂቶቹን ፎቶዎች ከአጫጭር መግለጫዎች ጋር በከፊል የሚያሳይ
ለላፕቶፕ ወይም ለዴስክቶፕ ኮምፒውተር፤ በማውስ ጠቋሚው ፎቶዎችን በመዳሰስ፣ ለስማርት ፎን ከሆነ በጣት በመጫን የፎቶዎችን መግለጫ ማየት ይችላሉ
ወደ ...(ቤተ ድረ ገጽ ይሂዱ)
ወደ ...(አርበኞች ገጽ አንድ ይሂዱ)
በዚህ ድረገጽ የቀረቡት የተወሰኑት የአርበኞች ፎቶዎች ከነመግለጫቸው የተወሰዱት፣
በደጃዝማች ከበደ ተሰማ በ 1962 ዓ.ም. ታትሞ ከነበረው፤ “የአርበኞች ማስታዎሻ” ከተሰኘው መጽሐፍ ነው፡፡ ለተከበሩት ለዚህ መጽሐፍ ደራሲና ለቤተሰቦቻቸው በቅድሚያ ላቅ ያለ ምስጋና ለማቅረብ እንወዳለን፡፡
. . . የድረ ገጹ አዘጋጅ
የደጃዝማች ከበደ ተሰማ አጭር የሕይወት ታሪክ፤
ደጃዝማች ከበደ ተሰማ በ 1984 ዓ.ም. ከአባታቸው ከቀኛዝማች መንገሻ አያነህና ከእናታቸው ከወ/ሮ ደስታ ተሰማ በሸዋ ጠቅላይ ግዛት፣ በመንዝና በይፋት አውራጃ፣ በኤፍራታ ወረዳ ሰቀልቲ ከተባለው ቀበሌ ተወለዱ፡፡ እድሜአቸው ለትምህርት እንደደረሰ የአማርኛ ትምህርት ተምረው በመንግሥት ሥራ ላይ ተሰማርተዋል፡፡
የአርበኝነት ዘመናቸውም ሲፈተሽ፤
- በማይጨው ጦር ሜዳ ውለው ሲዋጉ ቆስለዋል፡፡
- ከ 1932 ዓ.ም. እስከ 1933 ዓ.ም. ድረስ ጎጃም ውስጥ ከነበረው የጠላት ጦር ጋር ተዋግተዋል፡፡
- የፊታውራሪነት ማዕረግ ተሰጥቷቸው ወለጋ ከተመደቡ በኋላ ከጠላት ጦር ጋር ተዋግተዋል፡፡
- የኢትዮጵያን ነፃነት ለመመለስ ከእንግሊዝ መንግሥት ጋር በተደረገው ስምምነት በመጀመሪያ ጎጃም መጥተው ለኢትዮጵያ አርበኞች የነፃነት ብስራት ለማሰማት ብዙ ሰርተዋል፡፡
- ከነፃነት በኋላም በበርካታ የመንግስት የሥራ ዘርፎች ላይ በከፍተኛ የሥልጣን እርከን ላይ ተመድበው ከሕግ መምሪያ ምክር ቤት ፕሬዚዳንትነት እሰከ ዘውድ ምክር ቤት አባልነት አገልግለዋል፡፡
“ቀድሞ በአባቶቻችን የነበረውን ፍቅርና አንድነት እናድሰው እንጅ አናፍርሰው፡፡”
“አሁን መኖራችንን ብቻ አንመልከት፡፡ ፍቅርንና አንድነትን ይዘን ተባብረን መሥራት ከሌለ ነገ የለንም፡፡”
“ስንገናኝ በሽንገላ ምላስ፤ ወዳጅ መስሎ መታየት ለምንም የማይጠቅምና የማይረባ ሥራ ነው፡፡”
... ደጃዝማች ከበደ ተሰማ
በዚህ ድረገጽ የቀረቡት የአርበኞች ፎቶዎች ከነመግለጫቸው በአብዛኛው የተወሰደው፣
በቀኛዝማች ታደሰ ዘወልዴ በ፲፱፻፰ ታትሞ ከነበረው፤ ”ቀሪን ገረመው የአርበኞች ታሪክ” ከተሰኘው መጽሐፍ ነው፡፡ ለተከበሩት ለዚህ መጽሐፍ ደራሲና ለቤተሰቦቻቸው በቅድሚያ ላቅ ያለ ምስጋና ለማቅረብ እንወዳለን፡፡
...የድረ ገጹ አዘጋጅ
የአቶ ታደሰ ዘወልዴ አጭር የሕይወት ታሪክ
አቶ ታደሰ ዘወልዴ በ1895 ዓ.ም. ከአባታቸው ከአቶ ዘወልደ ማሪያም ሀብተ ማሪያምና ከእናታቸው ከወይዘሮ ወለተ ማሪያም በሸዋ ጠቅላይ ግዛት በመንዝና ይፋት አውራጃ ተወለዱ፡፡
በ1919 ዓ.ም. ወደ ግብፅ አገር ሄደው ትምህርታቸውን እንዲቀጥሉ ከተመረጡት 21 ተማሪዎች ጋር እስክንደሪያ በመሄድ የፈረንሳይኛ ትምህርት ከተከታተሉ በኋላ ወደ ፈረንሳይ አገር ተጉዘው የቴሌኮሙኒኬሽን ትምህርት ሲማሩ እንደቆዩ በ1928 ዓ.ም. የጣሊያን ፋሽስት ወረራ በአገራችን ላይ ሲካሄድ የክተት አዋጁን በወዶዘማችነት ተቀብለው ወደ ሀገራቸው ተመልሰው ማይጨው ዘመቱ፡፡
አርበኛው ታደሰ ዘወልዴ፤ አርበኞች በቁጥራቸው ማነስ ሳይጨነቁ ችግሩን ሁሉ ተቋቁመው ለሀገራቸው ነፃነት በቆራጥነት እንዲዋጉ የሞራልና የመንፈስ ማበረታቻ ዘዴ በመጠቀም አስተዋጽኦ አድርገዋል፡፡
”አገሩን አፍቃሪ የሆነ ሰው ትግሉና ሩጫው ሁሉ ለትውልድ በሚሆን ነገር እንጅ ለራሱ በሚሆን ነገር ገንዘብና ርስት ለማግኘት በጠቅላላው ሀብት ለማድለብ ስላልሆነ ዛሬ በሞት የሚያልፈው ሰው የማይሞትና የማያልፍ ለትውልድ የሚሆን ነገር ሠርቶና ትቶ መሄድ አለበት፡፡”
”ሰው ከፍጥረታት ሁሉ በላይ ከፍ ያለ ፍጡር እንደመሆኑ መጠን አስተያዬቱ በግል ጥቅም የተወሰነና በዚህ ዓለምም የሚኖረው ራሱን ለማገልገል እንዳልሆነ ማወቅ ይኖርበታል፡፡“
...ቀኛዝማች ታደሰ ዘወልዴ - “ቀሪን ገረመው - የአርበኞች ታሪክ” ደራሲ